ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠶ᠋ᠢᠨ ᠲᠦᢉᠵᠢᠷᠡᠯ ᠢ ᠪᠠᠭᠤᠷᠠᠭᠤᠯᠬᠤ ᠵᠣᠷᠢᠯᠭᠠ ᠪᠠᠷ ᠨᠢᠲ᠋ᢈᠦ- ᠡᠴᠠ ᠥᠩᢉᠡᠷᠡᢉᠰᠡᠨ ᠦᠨ ᠪ ᠬᠣᠶᠠᠳᠤᠭᠠᠷ ᠰᠠᠷᠠ ᠶ᠋ᠢᠨ ᠘-ᠨᠢᠳᠠ ᠨᠡᠶᠢᠰᠯᠡᠯ ᠬᠣᠲᠠ ᠳ᠋ᠤ ᠣᠯᠭᠤᠬᠤ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᠬᠡᠷᠡᢉᠰᠡᠯ ᠦᠨ ᠤᠯᠤᠰ ᠦᠨ ᠪᠦᠷᠢᠳᠬᠡᠯ ᠦᠨ ᠳ᠋ᠤᠭᠠᠷ ᠦᠨ ᠳᠡᢉᠡᠳᠦ ᠬᠢᠵᠠᠭᠠᠷ ᠢ ᠗᠓᠐ ᠮᠢᠩᠭᠠ ᠪᠠᠶᠢᠬᠤ ᠲᠣᠭᠲᠠᠭᠠᠯ ᠢ ᠪᠠᠲᠤᠯᠠᠭᠰᠠᠨ᠃ ᠡᢉᠦᠨ ᠲᠡᠢ ᠬᠣᠯᠪᠤᠭᠠ ᠲᠠᠢ ᠪᠠᠷ ᠥᠩᢉᠡᠷᠡᢉᠰᠡᠨ ᠦᠨ ᠪ ᠠᠷᠪᠠᠨᠨᠢᢉᠳᠦ᠋ᢉᠡᠷ ᠰᠠᠷᠠ ᠶ᠋ᠢᠨ ᠘-ᠨᠠᠠᠰᠠ ᠢᠮᠫᠣᠷᠲ ᠢᠶᠠᠷ ᠣᠷᠤᠵᠤ ᠢᠷᠡᠬᠦ ᠠᠦ᠋ᠲ᠋ᠣᠮᠠᠱᠢᠨ᠋ ᠳ᠋ᠤ ᠬᠣᠲᠠ ᠶ᠋ᠢᠨ ᠳ᠋ᠤᠭᠠᠷ ᠰᠢᠨᠡ ᠪᠡᠷ ᠣᠯᠭᠤᠬᠤ ᠦᢉᠡᠢ ᠪᠠᠶᠢᠬᠤ ᠲᠣᠭᠲᠠᠭᠠᠯ ᠢ ᠬᠡᠷᠡᢉᠵᠢᢉᠦᠯᠵᠦ ᠡᠬᠢᠯᠡᢉᠰᠡᠨ ᠶᠠᠭᠤᠮᠠ᠃ ᢉᠡᠰᠡᠨ ᠬᠡᠳᠦᠢ ᠴᠤ ᠤᠭ ᠪᠠᠲᠤᠯᠠᠭᠰᠠᠨ ᠳᠡᢉᠡᠳᠦ ᠬᠢᠵᠠᠭᠠᠷ ᠲᠤ ᠪᠠᠭᠲᠠᠭᠠᠨ ᠵᠢᠷᠭᠤᠭᠠᠨ ᠰᠢᠯᠭᠠᠭᠤᠷ ᠦᠵᠡᢉᠦᠯᠦᠯᠲᠡ ᠪᠡᠷ ᠨᠡᠶᠢᠰᠯᠡᠯ ᠬᠣᠲᠠ ᠳ᠋ᠤ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᠬᠡᠷᠡᢉᠰᠡᠯ ᠦᠨ ᠤᠯᠤᠰ ᠦᠨ ᠪᠦᠷᠢᠳᢈᠡᠯ ᠦᠨ ᠳ᠋᠋ᠤᠭᠠᠷ ᠢ ᠣᠯᠭᠤᠬᠤ ᠪᠠᠷ ᠪᠣᠯᠤᠭᠰᠠᠨ ᠪᠢᠯᠡ᠃ ᠡᠶᠢᠨ ᠬᠦ ᠥᠩᢉᠡᠷᠡᢉᠰᠡᠨ ᠦᠨ ᠪ ᠠᠷᠪᠠᠨᠨᠡᢉᠳᠦ᠋ᢉᠡᠷ ᠰᠠᠷᠠ ᠶ᠋ᠢᠨ ᠑᠕-ᠨᠠᠭᠠᠰᠤ ᠡᠬᠢᠨ ᠪ ᠳᠥᠷᠪᠡᠨ ᠰᠢᠯᠭᠠᠭᠤᠷ ᠦᠵᠡᢉᠦᠯᠦᠯᠲᠡ ᠶ᠋ᠢ ᠬᠡᠷᠡᢉᠵᠢᢉᠦᠯᠵᠦ ᠡᠬᠢᠯᠡᢉᠰᠡᠨ ᠪᠥᢉᠡᠳ ᠤᠳᠠᠭᠠᠬᠢ ᠬᠣᠶᠠᠷ ᠰᠢᠯᠭᠠᠭᠤᠷ ᠦᠵᠡᢉᠦᠯᠦᠯᠲᠡ ᠶ᠋ᠢ ᠢᠷᠡᠬᠦ ᠰᠠᠷᠠ ᠶ᠋ᠢᠨ ᠑-ᠨᠡᢉᠡᠰᠦ ᠬᠡᠷᠡᢉᠵᠢᢉᠦᠯᠦᠨᠡ᠃
ᠲᠣᠳᠤᠷᠠᠭᠤᠯᠪᠠᠯ᠂ ᠨᠡᠶᠢᠰᠯᠡᠯ ᠬᠣᠲᠠ ᠳ᠋ᠤ ᠠᠦ᠋ᠲ᠋ᠣ᠋ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᠬᠡᠷᠡᢉᠰᠡᠯ ᠦᠨ ᠤᠯᠤᠰ ᠤ᠋ᠨ ᠪᠦᠷᠢᠳᠬᠡᠯ ᠦᠨ ᠳ᠋ᠤᠭᠠᠷ ᠢ ᠳᠠᠷᠠᠭᠠᠬᠢ ᠱᠠᠭᠠᠷᠳᠠᠯᠭᠠ ᠶ᠋ᠢ ᠬᠠᠩᠭᠠᠭᠰᠠᠨ ᠲᠣᠬᠢᠶᠠᠯᠳᠤᠯ ᠳ᠋ᠤ ᠣᠯᠭᠠᠨᠠ᠃ ᠥᠩᢉᠡᠷᠡᢉᠰᠡᠨ ᠣᠨ ᠪ ᠠᠷᠪᠠᠨᠨᠡᢉᠳᠦ᠋ᢉᠡᠷ ᠰᠠᠷᠠ ᠶ᠋ᠢᠨ ᠑᠕-ᠨᠠᠭᠠᠰᠤ ᠬᠡᠷᠡᢉᠵᠢᠵᠦ ᠡᠬᠢᠯᠡᢉᠰᠡᠨ ᠰᠢᠯᠭᠠᠭᠤᠷ ᠦᠵᠡᢉᠦᠯᠦᠯᠲᠡ ᠨᠦ᠋ᢉᠦᠳ:
ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᠬᠡᠷᠡᢉᠰᠡᠯ ᠦᠨ ᠥᠮᠴᠢᠯᠡᢉᠴᠢ᠂ ᠡᠵᠡᠮᠰᠢᢉᠴᠢ ᠨᠢ ᠨᠡᠶᠢᠰᠯᠡᠯ ᠦᠨ ᠣᠷᠤᠰᠢᠨ ᠰᠠᠭᠤᠭᠴᠢ ᠢᠷᠭᠡ᠂ ᠨᠡᠶᠢᠰᠯᠡᠯ ᠳ᠋ᠦ ᠪᠦᠷᠢᠳᢈᠡᠯ ᠲᠡᠢ ᠬᠠᠤᠯᠢ ᠶ᠋ᠢᠨ ᠡᠲᠡᢉᠡᠳ ᠪᠠᠶᠢᠬᠤ;
ᠥᠮᠴᠢᠯᠡᢉᠴᠢ᠂ ᠡᠵᠡᠮᠰᠢᢉᠴᠢ ᠨᠢ ᠠᠦ᠋ᠲ᠋ᠣ᠋ ᠵᠠᠮ ᠦᠨ ᠲᠤᠬᠠᠢ ᠬᠠᠤᠯᠢ ᠳ᠋ᠤ ᠵᠢᠭᠠᠭᠰᠠᠨ ᠲᠥᠯᠦᠪᠦᠷᠢ᠂ ᠵᠥᠷᠢᠴᠡᠯ ᠦᠨ ᠲᠤᠬᠠᠢ ᠬᠠᠤᠯᠢ ᠶ᠋ᠢᠨ ᠑᠔᠂᠗ ᠳ᠋᠋ᠤᠭᠠᠷ ᠵᠦᠢᠯ ᠳ᠋ᠦ ᠵᠢᠭᠠᠭᠰᠠᠨ ᠵᠥᠷᠢᠴᠡᠯ ᠢ ᠪᠣᠯᠤᠨ ᠲᠣᠷᠭᠠᠬᠤ ᠰᠢᠳᠬᠡᠯ ᠢ ᠪᠠᠷᠠᠭᠳᠠᠭᠤᠯᠤᠭᠰᠠᠨ ᠪᠠᠶᠢᠬᠤ᠃ ᠵᠢᠯᠤᠭᠤᠴᠢ ᠶ᠋ᠢᠨ ᠳᠠᠭᠠᠳᠬᠠᠯ ᠦᠨ ᠲᠤᠬᠠᠢ ᠬᠠᠤᠯᠢ ᠶ᠋ᠢᠨ ᠕᠂᠑ ᠳ᠋ᠡᠬᠢ ᠬᠡᠡᠰᠡᠭ ᠦᠨ ᠳᠠᠭᠠᠭᠤ ᠳᠠᠭᠠᠳᠬᠠᠭᠤᠯᠤᠭᠰᠠᠨ ᠪᠠᠶᠢᠬᠤ;
ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᠬᠡᠷᠡᢉᠰᠡᠯ ᠦᠨ ᠭᠦᠳᠡᠯᢉᠡᢉᠦᠷ ᠦᠨ ᠡᠻᠤᠯᠤᢉᠢ ᠶ᠋ᠢᠨ ᠠᠩᢉᠢᠯᠠᠯ ᠨᠢ «ᠧᠦ᠋ᠷᠣ᠋-᠔» ᠡᠰᠡᠪᠡᠯ ᠲᠡᢉᠦᠨ ᠲᠡᠢ ᠳᠦᠶᠢᠴᠡᠬᠦᠶᠢᠴᠡ ᠪᠤᠶᠤ ᠲᠡᢉᠦᠨ ᠡᠴᠡ ᠳᠡᢉᠡᢉᠰᠢ ᠪᠠᠶᠢᠬᠤ;
ᠪᠠᠲᠤᠯᠠᠭᠳᠠᠭᠰᠠᠨ ᠰᠢᠯᠭᠠᠭᠤᠷ ᠦᠵᠡᢉᠦᠯᠦᠯᠲᠡ ᠪᠡᠷ ᠲᠣᠭᠲᠠᠭᠠᠭᠰᠠᠨ ᠳᠡᠰ ᠳᠠᠷᠠᠭᠠᠯᠠᠯ ᠦᠨ ᠡᠬᠢᠨ ᠳ᠋ᠦ ᠪᠠᠶᠢᠬᠤ;
ᠵᠢᠷᠭᠤᠭᠠᠳᠤᠭᠠᠷ ᠰᠠᠷᠠ ᠶ᠋ᠢᠨ ᠑-ᠨᠡᢉᠡᠰᠦ ᠬᠡᠷᠡᢉᠵᠢᠵᠦ ᠡᠬᠢᠯᠡᢈᠦ ᠰᠢᠯᠭᠠᠭᠤᠷ ᠦᠵᠡᢉᠦᠯᠦᠯᠲᠡ ᠨᠦ᠋ᢉᠦᠳ:
᠕᠃ ᠰᠡᢉᠦᠯ ᠦᠨ ᠑᠐ ᠵᠢᠯ ᠦᠨ ᠳᠣᠲᠤᠷᠠ ᠦᠶᠢᠯᠡᠳᠪᠦᠷᠢᠯᠡᢉᠳᠡᢉᠰᠡᠨ ᠲᠡᢉᠡᢉᠡᠪᠦᠷᠢ ᠶ᠋ᠢᠨ ᠬᠡᠷᠡᢉᠰᠡᠯ ᠪᠠᠶᠢᠬᠤ;
᠖᠃ ᠡᠻᠰᠫᠣᠷᠲ ᠦᠨ ᠡᠮᠦᠨᠡᠬᠢ ᠲᠧᠻᠨᠢᠭ ᠬᠢᠨᠠᠯᠲᠠ ᠶ᠋ᠢᠨ ᠦᠵᠡᠯᠭᠡ ᠳ᠋ᠦ ᠬᠠᠮᠤᠷᠤᠭᠳᠠᠭᠰᠠᠨ ᠪᠠᠶᠢᠬᠤ᠃